वडा नं. ८ मा खसेको कुल ४११३ मत मध्ये २४५५ प्राप्त गरी साधनादेवी प्रधान निर्वाचित भइन । उनै प्रधान नेपालको पहिलो महिला जनप्रतिनिधि हुन् । पछि साधनाको विवाह नेपालका प्रथम कम्युनिष्ट प्रधानमन्त्री मनमोहन अधिकारीसंग भयो । विवाह पछि साधनाले सकृय राजनीति गरिनन् । 

अघिल्लो (२०७४) को तुलनमा यस पटक (२०७९) को स्थानीय चुनावमा महिलाको प्रतिनिधित्व ह्वात्तै घट्ने देखिएको छ । एउटै दलबाट उम्मेद्वार बनाउदा प्रमुख र उपप्रमुख मध्ये एकमा महिला हुनै पर्ने कानूनी वाध्यताका कारण अघिल्लो पटक स्थानीय तहमा नेपाली इतिहासमै सर्वाधिक महिला  प्रतिनिधित्व रहन सम्भव भएको हो । देशभरका ७५३ स्थानीय तहमा निर्वाचित ३५ हजार ४१ जनप्रतिनिधि मध्ये १४ हजार ३ सय ५३ महिला थिए । जस मध्ये १८ जना महिलाले प्रमुख र ७०० उपप्रमुख वन्ने अवसर पाए । जुन कुल जनप्रतिनिधिको ४० प्रतिशत भन्दा वढी हो । 

यो अंकमा हामी नेपाली इतिहासकै पहिलो पहिला जनप्रतिनिधिका वारेमा केन्द्रीत हुने छौ ।

                                                       श्रोत पुस्तक

२००४ जेठ २९ गते भएको पहिलो चुनावमा महिलाले मताधिकार प्रयोग गर्न पाएनन् । काठमाडौँ म्यूनिसिपलिटीका २१ वडामा पुरुष मात्र उम्मेद्वार बने भने मतदाता पनि उनीहरु मात्र थिए । २०१० मा त्यही म्यूनिसिपलिटीलाई काठमाडौँ नगरपालिकामा रुपान्तरण परिणे । २१ वडालाई घटाएर १८ कायम गरियो । चुनाव हुने दिन २०१० भाद्र १७ गते सरकारी कार्यालयमा विदा दिइयो । पहिलो पटक महिलाहरुले मताधिकार र उम्मेद्धवारीको अधिकार उपभोग गर्दै थिए । उम्मेद्वारी दिन ५० रुपैया धरौटी राख्नु पर्ने नियमको पालना गर्दै पाँच पार्टी र स्वतन्त्रतर्फका ७३ उम्मेद्वारले मनोनयन गरे । उम्मेद्वारको अन्तिम नामावली प्रकाशन हुने बेलासम्म १३ जनाले फिर्ता लिएकाले ६० जनाविच प्रतिश्पर्धा भयो । कुल मतको ८ खण्डको एक खण्ड मत नपाउनेको जमानत जफत हुने व्यवस्था अनुसार २६ को जमानत जफत भयो । वडा नं ७ मा सबै भन्दा वढी नौ जनाको उम्मेद्वारी परेको थियो । त्यो वेला ५६ हजार मतदाता मध्ये ५३ प्रतिशत मतदानमा सहभागी बने । जसमा  महिलाको उल्लेख्य उपस्थिती थियो । 
१८ गते बिहान शुरु भएको मतगणना १९ गते दिउँसो सकियो  वडा नं. ८ मा खसेको कुल ४११३ मत मध्ये २४५५ प्राप्त गरी साधनादेवी प्रधान निर्वाचित भइन । उनै प्रधान नेपालको पहिलो महिला जनप्रतिनिधि हुन् । पछि साधनाको विवाह नेपालका प्रथम कम्युनिष्ट प्रधानमन्त्री मनमोहन अधिकारीसंग भयो । विवाह पछि साधनाले सकृय राजनीति गरिनन् । 

                                                    मनमोहन अधिकारीका साथ साधनादेवी प्रधान 

२००४ को चुनावमा जननिर्वाचित उपसभापति र सरकारबाट मनोनीति सभापति बनेका थिए । यस पटक भने १८ जननिर्वाचित र सरकारबाट मनोनीति ४ वडा अध्यक्षहरु मध्येबाट काठमाडौंको नगर प्रमुखमा जनकमान श्रेष्ठ र उपप्रमुखमा प्रयागराज सिंह सुवाल चुनिए । प्रमुख र उपप्रमुख दुवै जनताबाट निर्वाचित प्रतिनिधि थिए । त्यसैले श्रेष्ठलाई काठमाडौंका प्रथम नगरपिता पनि भन्ने गरिन्छ ।