श्री ३ महाराज चन्द्रशमशेरले जर्ज पञ्चमको स्वागतमा कुनै कमी हुन दिएनन् । बसोवासका लागि सुविधा सम्पन्न भव्य अस्थायी दरवार बनाउन लगाए । भारतबाट विजुलीको लाइन ल्याउने काम भयो । कतिपय इतिहासकारहरुले बेलायती राजाको शिकार क्याम्पमा टेलिफोनको व्यवस्था गरिएको उल्लेख गरेका छन् । भारतबाट तार तानेर शिकार क्याम्पमा टेलिफोन सुविधा राखिएको इतिहासकार श्रीरामप्रसाद उपाध्यायले नेपालको समीक्षात्मक इतिहास नाम आफ्नो पुस्तकमा उल्लेख गरेका छन् ।

राणाकालमा शिकार कुटनीति सबै भन्दा वलियो मानिन्थ्यो । अंग्रेजलाई खुसी बनाएर शासन सत्तामा टिकिरहने रणनीति त्यो बेलाका शासकहरुको थियो । जंगबहादुरकै पाला देखि राणाहरुले बेलायती शासकहरुलाई शिकारका लागि आमन्त्रण गर्न थालेको इतिहास छ । प्रधानमन्त्री चन्द्रशमशेर आफ्नो बेलायत भ्रमणबाट सकेर स्वदेश फर्किदा एकदमै उत्साहित थिए । त्यसको कारण हो उनको निमन्त्रणमा राजा जर्ज पञ्चम शिकारका लागि नेपाल आउन राजी हुनु । श्री ३ महाराज चन्द्रको विशेष निमन्त्रणमा वि सं १९६८ पुस ३ मा बेलायती राजा नेपाल आउने मिति तय भैसकेको थियो । 

संयोगले भ्रमणको पूर्व सन्ध्यामा राजा पृथ्वीवीर विक्रम शाहको मृत्यु भयो । बेलायती राजा आउने दिन नेपाली राजाको स्वर्गारोहणको मात्र १३ दिन पुगेको थियो । तैपनि पूर्व निर्धारित कार्यक्रममा हेरफेर भएन । नयाँ राजा त्रिभुवन बालकै थिए । त्यसैले उनी बेलायती समकक्षीको स्वागतमा जान पाएनन् । सरदार भीमबहादुर पाँडे लेख्छन्–त्यस वखत नेपालको कुटनीतिक सम्वन्ध जगाउने सजिलो साधन गनिएको थियो शिकार । बेलायती राजालाई शिकारमा निम्त्याएपछि कुटनीतिक क्षेत्रमा नेपालले ठूलो सफलता पाएको महसुस गरिएको थियो ।

राणाहरुले नेपाली राजाको मृत्युका कारण भ्रमण स्थगित गर्न चाहेन्न् । श्री ३ महाराज चन्द्रशमशेरले जर्ज पञ्चमको स्वागतमा कुनै कमी हुन दिएनन् । उनको बसोवासका लागि सुविधा सम्पन्न भव्य अस्थायी दरवार वनाइयो । भारतबाट विजुलीको लाइन ल्याउने काम भयो । कतिपय इतिहासकारहरुले राजाको शिकार क्याम्पमा टेलिफोनको व्यवस्था गरिएको उल्लेख गरेका छन् । भारतबाट तार तानेर शिकार क्याम्पमा टेलिफोन सुविधा राखिएको इतिहासकार श्रीरामप्रसाद उपाध्यायले नेपालको समीक्षात्मक इतिहास नाम आफ्नो पुस्तकमा उल्लेख गरेका छन् । केही इतिहासकारले नेपाली नभएर भारतीय भूमिमा अंग्रेजहरुले स्थापना गरेको टेलिफोन मार्फत जर्ज पञ्चमका लागि सूचना आदान प्रदान गर्ने प्रवन्ध मिलाइएको थियो भनेका छन् । बेलायती राजालाई खुसी पार्न महाराज चन्द्रशमशेरले आफ्नो क्षमताले भ्याएसम्म सबै खाले सुविधा व्यवस्था गरेका थिए । जंगलभित्र मोटर बनाए । टेलिफोन सुविधा जोडे । अझ रमाइलो त के भने श्री ३ चन्द्र आफै १२ सय सैनिक तथा कर्मचारीका साथ चितवन पुगे । त्यो शिकार शिविरका लागि ६ सय हात्ती, २ हजार माहुते, शिकारी र सहयोगी परिचालन गरिए । शिकारको सम्पूर्ण प्रवन्ध मिलाउन महाराजले छोरा बबरशमशेरलाई खटाएका थिए । त्यो वेला ३९ बाघ, १८ गैडा, ४ भालु सहित कैयौं जंगली जनावर मारिए । चन्द्रशमशेरले बेलायतलाई खुसी पार्न राजालाई हात्ति, बाघ सहित ७० किसिमका जनवार उपहार दिएर विदा गरे ।