२०४६ सालको राजनीतिक परिवर्तन पछि पत्रकारितामा हुर्किएको मेरो पुस्ताका लागि नेपालमा विकसित घटनाक्रम ऐतिहासिक छन् । ति अनुभवलाई संग्रह गर्न सकियो भने भावी पुस्ताका लागि उपयोगी हुन सक्छ । 

अन्वेषण शुरुवात गरेपछि शुभचिन्तकहरुबाट पाएको माया, सल्लाह र सुझावले उत्साहित बनाएको छ । अन्वेषण मेरो व्यक्तिगत व्लगमा रहेका समाग्रीलाई व्यवस्थित गर्ने क्रममा आएको आईडियो हो । दुई दशक भन्दा लामो पत्रकारिता जीवनका क्रममा थुप्रै ऐतिहासिक व्यक्तित्वहरुसंग अन्तकृया र सम्वाद गर्ने अवसर पाए । मुलुकको राजनीतिक, सामाजिक विषय बस्तुमा अध्ययन गर्ने र वुझ्ने अवसर मिल्यो । शुरु देखि नै रिपोटिङमा जाँदा होस् वा कसैलाई भेट्दा, विषय वस्तुमा चासो राख्ने वानी छ । मेरो पत्रकारिता जिवनका अनुभव र यसक्रममा अलि अलि गर्दै जम्मा भएका कागजात, अडिओ, भिडियो यत्र तत्र छन् । २०४६ सालको राजनीतिक परिवर्तन पछि पत्रकारितामा हुर्किएको मेरो पुस्ताका लागि नेपालमा विकसित घटनाक्रम ऐतिहासिक छन् । ति अनुभवलाई संग्रह गर्न सकियो भने भावी पुस्ताका लागि उपयोगी हुन सक्छ भन्ने ठानेर व्लग शुरु गरेको थिए । केही वर्षको अन्तरालमा भाई रजनीस भण्डारीले सन् २००९ मा बनाई दिएको व्लग अप्रयाप्त लाग्न थाल्यो ।

अनुसन्धानमूलक काम गरौ भन्ने हुटहुटी हुदा हुदै पनि जिवीका चलाउनु पर्ने वाध्यताका कारण कान्तिपुर टेलिभिजन छोड्न सकिन । जागिरमा धेरै समय विताउनु पर्ने भएकाले आफ्नो रुचि अनुरुपको कामका लागि समय दिन सकिन । तर पनि प्राय साप्ताहिक विदाको दिन (विहिवार) कसै न कसैलाई भेट्ने रुटिन बनाएको थिए । दाई मानवहादुर थापासंगको सहकार्यमा व्यक्तिगत पहलमा हामीले धेरै ऐतिहासिक व्यक्तित्वहरुसंग भिडियो अन्तवार्ता लिएका छौ । केही डकुमेन्ट्री बनेका छन्, केही बन्ने क्रममा छन् । त्यहाँ प्रयोग नभएका कैयौं ऐतिहासिक तथ्य पनि नेपाली इतिहासका लागि महत्वपूर्ण छन् । 

समाचार कक्षमा गर्ने रुटिन काम छोड्न चाहेर पनि निर्णय लिन सकिरहेको थिइन । अन्तत २०७६ असार मसान्तदेखि लागु हुने गरी कान्तिपुर टेलिभिजनमा राजिनामा गरे । 
केही वर्ष यता अतुल कोइराला, मानवहादुर थापा, ओमा कार्की, गोपाल कार्की सहित हाम्रो टिमले यो अभियान अघि वढायो । झण्डै तीन दर्जन भन्दा वढी ऐतिहासिक व्यक्तित्वहरुसंग घण्टौं अन्तवार्ता लियौ । व्यक्तिगत रुचिमा गरिएको यो अभियान अघि वढाउन अत्यन्त सिमित साधन श्रोतमा हामी यी काम गरिरहेका छौ । कोरोना महामारी शुरु भए यता झण्डै झण्डै फिल्डमा गएर काम गर्न सकेका छैनौ । 
जम्मा भएका सबै समाग्री नेपालको इतिहास र समाज वुझ्न महत्वपूर्ण छन् । ति अंश क्रमश पोष्ट गर्दै जाने छु । 
अहिले भने अन्वेषणले गर्ने अनुन्सान्धानको वेस लाईनका लागि हाम्रो टिमले तयार गरेको यो भिडियो । समस्त शुभचिन्तकहरुललाई अन्वेषण टिम के गर्न खोजि रहेको छ भन्ने वुझ्न यसले मद्दत गर्ने छ । हामी यस्ता समाचार वा विषय बस्तु प्रस्तुत गर्न चाहन्छौ जो कहिल्यै वासी नहुन् । अन्वेषणमा प्रकाशित समाग्री अनुसन्धानकर्मी, नेपाली इतिहास र समाज वुझ्न चाहनेहरुका लागि उपयोगी हुन सक्छ ।